የአፈፃፀም መመሪያ
- የራይድ አስፈፃሚ አካል ተገቢውን ማጣራት ካደረገ በኋላ ቅጣት ይተገብራል
- ተቀጭ ስለጥፋቱ SMS ይደርሰዋል
- እገዳ ካልተጣለ በቀር የተጠቀሰውን የጥፋት ይዘት ካገባደደ በኋላ ተቀጭ ወደ ራይድ ሸገር መስሪያ ቤት በመሄድ የጥፋት ቅፅ ሞልቶ ወደስራ ይመለሳል
- ተቀጭ ይግባኝ ካለው በፅሁፍ ለራይድ መስሪያ ቤት ማቅረብ ይችላል:: ማንኛውም የቅጣት ይዘት በስልክ ምላሽ አያገኝም
ማሳሰቢያ
- እንደ ጥፋቱ መደረራረብ አይነት የቅጣት ቀናት ሊደመሩ ይችላሉ
- አግባብነት ባለው መልኩ በፅሁፍ የሚመጡ የቅጣት ቅሬታዎች ይስተናገዳሉ
- ይህ የቅጣት መመሪያ በኢ. ፌ. ድ. ሪ. አገራዊ ህጎች ስር ተፈፃሚ ይሆናል
- መጥፎ የስራ ሬከርድ ራይድ ለወደፊት ከሚሰጠው ጥቅሞች ሊገታ ይችላል:: ስለዚህ እያንዳንዱ አባል አሽከርካሪ መመሪያን ተከትሎ በጥንቃቄ እንዲሰራ ይመከራል
- የመቅጫ አንቀፆቹ በማንኛውም ግዜ ሊሻሻሉ ወይም ሊለወጡ ይችላሉ:: ማሻሻያ ሲደረግ ራይድ ለአባላቶች በSMS የሚያሳውቅ ይሆናል
የአሽከርካሪዎች ጥፋት መቀጫ መመሪያ
| ተ.ቁ. | የጥፋት ዝርዝር | ቅጣት |
| 1 | የቀጠሮ ስራ ተቀብሎ መሰረዝ | በካንስሌሽን ፖሊሲ አንቀፅ መሠረት ያስጠይቃል |
| 2 | ከስራ ውጭ ሲሆኑ የአሽከርካሪውን አፕልኬሽን Busy ወይም Offline ላይ አለማኖር (2-3 ግዜ በላይ በተደጋጋሚ ያለምክንያት ስራ ተልኮልዎት ካልተቀበሉ) | (መጀመሪያ ግዜ) የቃል ማስጠንቀቂያ
(2ኛ ግዜ) 24 ስዓት የአገልግሎት መቋርጥ |
| 3 | የተላከን ስራ ሰርዞ ከተሳፋሪ ጋር በግል የዋጋ ድርድር ማድረግ (የቴክኒካል ብልሽት ካጋጠመ ወዲያው በ8294 ማሳወቅ ግዴታ ነው) | (መጀመሪያ ግዜ) የቃል ማስጠንቀቂያ
(2ኛ ግዜ) 2 ሳምንት የአገልግሎት መቋርጥ (3ኛ ግዜ) ላልተወሰነ ግዜ ከስራ እገዳ (የከፈሉት ባላንስ ዜሮ ይሆናል) በተጨማሪም የዋጋውን ጭማሪ ልዩነት ከአሽከርካሪው ክሬዲት ላይ ይቀነሳል |
| 4 | ሜትር ከቆጠረው በላይ ስልክን ለተሳፋሪ ሳያሳዩ ተጨማሪ ዋጋ ማስከፈል (ተሳፋሪ በአፕልኬሽን ተጠቅሞ ኩፖን ካስገባ Confirm ሲጫኑ ከዋጋው አንስቶ ወደ እርስዎ Credit ስለሚጨምር ያስተውሉ) | (መጀመሪያ ግዜ) 2 ሳምንት የአገልግሎት መቋርጥ
(2ኛ ግዜ) ላልተወሰነ ግዜ ከስራ እገዳ (የከፈሉት ባላንስ ዜሮ ይሆናል) በተጨማሪም የዋጋውን ጭማሪ ልዩነት ከአሽከርካሪው ክሬዲት ላይ ይቀነሳል |
| 5 | ምንም ስራ ሳይሰሩ ከ1 ወር በላይ የራይድን ቢሮ ሳያሳውቁ መቆየት | ላልተወሰነ ግዜ ከስራ እገዳ (የከፈሉት ባላንስ ዜሮ ይሆናል) |
| 6 | ተሳፋሪን ማጉላላት፣ መሳደብ ፣ ማመናጨቅ ፣ ማጥላላት ፣ ማስፈራራት ፣ ማንቋሸሽ:: የተሳፋሪው ቅሬታ በ8294 ተቀርፆ ይቀመጣል:: አሽከርካሪው ስለተፈጠረው ሁኔታ ለራይድ ቢሮ ወዲያው ማሳወቅና ቅሬታውን መፍታት ይኖርበታል:: በተሳፋሪና በአሽከርካሪ መሃከል የሚፈጠር ማንኛውም አለመግባባት ወደ 8294 መመራት ይኖርበታል | (መጀመሪያ ግዜ) የቃል ማስጠንቀቂያ
(2ኛ ግዜ) 1 ሳምንት የአገልግሎት መቋርጥ (3ኛ ግዜ) ላልተወሰነ ግዜ ከስራ እገዳ (የከፈሉት ባላንስ ዜሮ ይሆናል) |
| 7 | ተሳፋሪን ሳያስፈቅዱ ረዥም መንገድ ወውሰድ | (መጀመሪያ ግዜ) የቃል ማስጠንቀቂያ
(2ኛ ግዜ) 24 ስዓት የአገልግሎት መቋርጥ (3ኛ ግዜ) 1 ሳምንት የአገልግሎት መቋርጥ በተጨማሪም የዋጋውን ጭማሪ ልዩነት ከአሽከርካሪው ክሬዲት ላይ ይቀነሳል |
| 8 | የራይድ አፕልኬሽንዎን ሌላ ሰው እንዲሰራበት አሳልፎ መስጠት | (መጀመሪያ ግዜ) የቃል ማስጠንቀቂያ
(2ኛ ግዜ) 3 ቀን የአገልግሎት መቋርጥ (3ኛ ግዜ) 1 ወር የአገልግሎት መቋርጥ |
| 9 | የራይድን ሰራተኞች መሳደብ ፣ ማመናጨቅ ፣ ማጥላላት ፣ ማንቋሸሽ ፣ ማስፈራራት | (መጀመሪያ ግዜ) 1 ሳምንት የአገልግሎት መቋርጥ
(2ኛ ግዜ) 1 ወር የአገልግሎት መቋርጥ (3ኛ ግዜ) ላልተወሰነ ግዜ ከስራ እገዳ (የከፈሉት ባላንስ ዜሮ ይሆናል) |
| 10 | ስርቆት ወይም መኪና ውስጥ የጠፋን እቃ በወቅቱ አለመመለስ (ተጣርቶ ከተገኘ) | ላልተወሰነ ግዜ ከስራ እገዳ (የከፈሉት ባላንስ ዜሮ ይሆናል) |
| 11 | ምንም አይነት የአልኮሆል መጠጥ፣ በየትኛውም መጠን ጠጥቶ ተሳፋሪን ማጓጓዝ | (መጀመሪያ ግዜ) 1 ወር የአገልግሎት መቋርጥ
(2ኛ ግዜ) ላልተወሰነ ግዜ ከስራ እገዳ (የከፈሉት ባላንስ ዜሮ ይሆናል) |
| 12 | አሽከርካሪው በማንኛውም ግዜ ጫት መኪና ውስጥ ይዞ መገኘት | (መጀመሪያ ግዜ) 2 ሳምንት የአገልግሎት መቋርጥ
(2ኛ ግዜ) 1 ወር የአገልግሎት መቋርጥ (3ኛ ግዜ) ላልተወሰነ ግዜ ከስራ እገዳ (የከፈሉት ባላንስ ዜሮ ይሆናል) |
| 13 | የመኪናን ውስጥና ውጭ በንፅህና አለመያዝ ፤ መጥፎ የግል ጠረንን አለማስወገድ ፤ አግባብነት ያለው ባለመሉ እጅጌ ሸሚዝ ፣ሹራብ ወይም ቲሸርት አለማድረግ፤ ሙሉ ሱሪ ከሽፍን ጫማ ጋር ለብሶ አለመገኘት | (መጀመሪያ ግዜ) የቃል ማስጠንቀቂያ
(2ኛ ግዜ) 1 ሳምንት የአገልግሎት መቋርጥ
|
| 14 | በአንድ ቀን ውስጥ የአስቸኳይ ስራ በተደጋጋሚ እየተቀበሉ መሰረዝ | (መጀመሪያ ግዜ) የቃል ማስጠንቀቂያ
(2ኛ ግዜ) 24 ስዓት የአገልግሎት መቋርጥ |
| 15 | ከተሳፋሪ ጋር ስለኮሚሽን ክፍያና የውስጣዊ አሰራር ቅሬታዎች ማንፀባረቅ ወይም መወያየት | 1 ሳምንት የአገልግሎት መቋርጥ |
| 16 | በተጠየቀ ግዜ የወረቀት ሪሲት ለተሳፋሪ ወዲያው አለመስጠት | (መጀመሪያ ግዜ) የቃል ማስጠንቀቂያ
(2ኛ ግዜ) 1 ሳምንት የአገልግሎት መቋርጥ ወይም አሽከርካሪው ሪሲቱን ሰቶ ለራይድ ቢሮ መረጃ ካቀረበ ወደስራ ይመለሳል |
| 17 | የተሳሳተ ወይም የሃሰት ሪሲት ለተሳፋሪ ወይም ለራይድ ድርጅት መስጠት | 2 ሳምንት የአገልግሎት መቋርጥ |
| 18 | መኪና ውስጥ ማጨስ ወይም የሲጋራ ሽታ መኖር | (መጀመሪያ ግዜ) የቃል ማስጠንቀቂያ
(2ኛ ግዜ) 1 ሳምንት የአገልግሎት መቋርጥ (3ኛ ግዜ) 2 ሳምንት የአገልግሎት መቋርጥ |
| 19 | የራይድ አፕልኬሽን የተጫነበትን ስልክ ጉዞ ተጀምሮ እስኪጠናቀቅ ድረስ ለተሳፋሪ ሂሳብ በሚታይበት መልኩ ፊት ለፊት አለማኖር | (መጀመሪያ ግዜ) የቃል ማስጠንቀቂያ
(2ኛ ግዜ) 24 ስዓት የአገልግሎት መቋርጥ |
| 20 | በሌሎች አንቀፆች ከተገለፀው ውጭ ማንኛውንም አይነት የሂሳብ ማጭበርበር ማድረግ | 2 ሳምንት የአገልግሎት መቋርጥ
በተጨማሪም የዋጋውን ጭማሪ ልዩነት ከአሽከርካሪው ክሬዲት ላይ ይቀነሳል |
| 21 | በምዝገባ ወቅት የተፈረመውን የአሽከርካሪዎች ውል በሙሉም ሆነ በከፊል መጣስ | እንደጥፋቱ ክብደትና ቅለት በራይድ ቢሮ ከፍተኛ ሃላፊዎች የሚወሰን ይሆናል |
